Медеткан Шеримкулов: Биздин чоң катабыз мыйзамды сыйлабай ар бир келген президенттин сөзүн мыйзамдан өйдө коюп келе жатабыз. 2020-жылга чейин жаңы Конституция кабыл алышыбыз керек. Президенттикпи же парламенттик башкаруу болобу бийлик бутактарынын милдеттерин бөлүштүрүп албасак, талаш-тартыштар улана берет.
Коомдук ишмер Динара Кутманова "Кыргызстан жашылдар" партиясынын атынан президентке 2019-жылды "Экология жылы" деп белгилөө сунушун киргизди.
Социолог Кусеин Исаев: Кыргыз бүгүн кул болду. Кыргыздын өз жолу болушу керек.
Курултайда Садыр Жапаровдун катын да окуп беришти. "Курултай Конституцияга кириши керек. Парламент 55 депутаттан гана тургандай болсун. Президент, губернатор, айыл өкмөттөрүнөн турган башкаруу системасы орносун. Шоопур, трактористтер министр болуп, фракциялар кызмат талашып мушташып жатат. Анын айынан иш токтоп калды" деп жазылган катта.