Текебаев жаңы коалиция түзүүгө чакырды

Жогорку Кеӊештеги «Ата Мекен» фракциясынын лидери Өмүрбек Текебаев парламенттеги фракцияларды жаӊы коалиция түзүү менен саясий кризистен чыгууга чакырды. Анын айтымында, учурдагы президент жана анын айланасындагылар өлкөдөгү саясий кризистин жаралышына себепкер болууда. Мындай кырдаалда парламенттеги фракциялар президентти катыштырбастан жаӊы коалиция түзүү менен өкмөттү түзүүгө мүмкүнчүлүгү бар. Текебаев парламенттеги фракцияларды президенттин айланасындагылардын жетегинен бошонуп, көз карандысыз өкмөт түзүүгө үндөдү.