Кыргыз бийлиги өлкө сыртында жашап, иштеп жүргөн мекендештер менен байланышты жандантып, мамлекетти өнүктүрүүнү көздөйт. Бул маселе Чет өлкөдөгү мекендештер менен байланыштар боюнча кеңешинин алгачкы жыйынынын өзөгүн түздү. Өкмөт өкүлдөрү жана чет мамлекеттерден келген кыргызстандыктар катышкан иш-чара 2-августта Бишкектеги Ала-Арча мамлекеттик резиденциясында өттү.