Кыргыз-казак премьерлеринин кайчы пикири

Казакстан чек арада бажы жана салык төлөмдөрүнө зыян келтирип жаткан аткезчилик агымына каршы көзөмөлдү күчөтүп жатат. Кыргызстан болсо Казакстандын билдирүүлөрү менен толук макул эместигин билдирүүдө. 25-октябрда Евразия өкмөттөр аралык кеңешинин Арменияда өткөн жыйынында Кыргызстандын өкмөт башчысы Сапар Исаков менен Казакстандын премьер-министри Бакытжан Сагинтаев чек арадагы абал жана ЕАЭБ боюнча кайчы пикирлерин ортого салды.