Текебаевдин тарапкерлери ачкачылык акциясын токтото элек

“Ата Мекен” партиясынын учурда соттолуп жаткан лидери Өмүрбек Текебаевдин президенттикке талапкер болуусуна шарт түзүү талабы менен ачкачылык жарыялаган беш жаран акциясын токтото элек. Жума күнү аларды дарыгерлер текшерип, айрымдарына дары берип, ден соолугуна залал келтирбеш үчүн дарыланууга кеңеш беришти. Акциянын төртүнчү күнү акциянын бир катышуучусун медициналык тез жардам алып кеткен болчу.