Жети-Өгұз районуна караштуу Ак-Шыйрак айылы деңиз деңгээлинен 3200 метр бийктикте жайгашкан. Бийик тоолуу алыскы айылда жүзгө жетпеген түтүн калк жашайт. Жылдын төрт мезгилинин экөө гана - эки айга созулган жайы жана он айга созулган кышы бар, шарты катаал Ак-Шыйрактан башка жакка көчүп кетип, быкылдаган шаардан түнөк табайын дегендер жок. Кыргыз эли эзелтен жайлаган жерди мекендеп, чек арада өзүнчө чеп болуп, кыргыздын нукура пейили менен меймандостугун, өнөрүн сактап жашап жаткан тоолук мекендештерибиздин жашоосу жөнүндө "Данисте" берүүсүнөн көрсөңүз болот.