"Баткен облусунун жоюлушуна каршыбыз", - деп билдирди бүгүн "Азаттыкка" өкмөттүн облустагы өкүлү Жеңиш Разаков. Ушу тапта Жогорку Кеңештин жыйынында Баткен облусун реформалоо боюнча комиссия маалымат берүүдө. Депутаттар бул маселени журналисттерсиз, жабык карап жатат.Баткенди облус катары жоюп, Баткен жана Лейлек райондорун республикага түз каратууну, ал эми Кадамжай району менен Кызыл-Кыя шаарын Ош облусуна кошуу демилгесин ЖК депутаты Назарали Арипов көтөргөн болчу. (Элеонора Бейшенбек кызы)