Каракол шаары жана анын четиндеги айылдар төрт мезгил бою турист кабыл алуу дараметине ээ. Шаардагы тарыхый имараттар, эски үйлөр жана эстеликтер, уникалдуу ашкана туристтерди жайдыр-кыштыр өзүнө азгырып турат. Бул жагдай жергиликтүү тургундарга чет элден келген конокторду жогорку сапатта тейлөөгө үйрөтүп жатат. "Азаттык+" бул ирет Караколдун көркөмдүгү жана жергиликтүү ишкерлердин туризмди өнүктүрүүгө кошкон салымы тууралуу берүү даярдады.