Айчүрөк Кожоналиева 28 жашта. Ал Кыргыз мамлекеттик медициналык академиясын артыкчылык менен бүтүрүп, Саламаттык сактоо министрлигинин жолдомосу менен Москва районундагы бейтапканада онколог болуп иштеп жатат. Бишкекте жашаган жаш дарыгер айылдагы ишине аптасына беш күн таң азандан туруп, үч унаа которуп отуруп эки саатта араң жетет. Күнүмдүк жашоосуна акча табыш үчүн дагы кошумча эки жумушта иштейт.