Атамбаевдин Түркияда сатылган ишканадагы үлүшү
Президенттин маалымат кызматы Алмазбек Атамбаевдин Түркияда сатылган ишканадагы үлүшү боюнча кошумча маалымат таратты. Анда кыргыз президенти 2003-жылы Түркияда жайгашкан компаниядагы 90% үлүшүн 35 миллионго жакын АКШ долларына сатканы ырасталып, президенттик аппарат буга чейинки сандар туура эмес жарыяланып калганы үчүн кечирим сурады. Коомчулукта болсо президенттин өз кирешесин ачыктаганына оң баасын бергендер да, көрсөтүлгөн документтерде далил жетиштүү эмес экенин айткандар да чыкты.