Баткенде бейтаптар менен дарыгерлер добуш бербейт
Баткенде COVID-19 илдетине байланыштуу ооруканада дарыланып жаткан 36 бейтап жана кызыл зонада иштеп жаткан 38 дарыгер добуш берүүгө катыша албайт. Бул тууралуу Облустун губернатору Жаныбек Жалалов билдирди. Анын айтымында "кызыл зонага" кирүү жана шайлоо шаймандарын алып баруу кыйынчылыктарды жаратат.
COVID-19га каршы күрөш боюнча республикалык штабдын бир күн мурдагы маалыматына караганда өлкөдө илдет жугузуп алгандардын расмий саны 81 991 адамга жетти. Алардын 77 547си сакайды. Соңку бир күндө 171 адам ооруканалардан айыгып чыккан.
10-январдагы президенттик шайлоо жана референдумда мыйзамсыздыктар болбосун өкмөттүн Талас облусундагы өкүлү Айбек Бузурманкулов "Азаттыкка" билдирди.
Ал Талас облусунун Көк-Токой айылындагы № 6080 участогунда добуш берип жатып, мыйзамсыз иштерди болтурбоого аракеттенерин белгиледи:
«Шайлоочулар үчүн бардык шарттар түзүлдү. Калк арасында түшүндүрүү иштерин жүргүздүк. Мыйзамсыз иштер болбойт деп ишенебиз. Октябрдагы окуялардан эл сабак алды деп ойлойм".
Жалпы Талас облусунда 117 шайлоо тилкеси, 157 886 шайлоочу бар.
Облустук ички иштер башкармалыгы кабарлагандай, Таласта 500дөн ашуун милиция кызматкери тартипке көз салып жатат.
Жер-жерлердеги добуш берүү.
Шайлоо: добуш берүү башталды
БШКнын мурдагы өкүлү Атыр Абдрахматова участоктордогу айрым мүчүлүштүктөр тууралуу жазды.