"Ата Мекен" партиясынын тизмеси менен парламенттик шайлоого катышкан журналист Али Токтакунов добуш кагаздарын кол менен эсептөөнүн жыйынтыгына ишенбестигин "Азаттыкка" билдирди.
"Кол санак деп атышат. Көз карандысыз байкоочулардын баарын добушканадан чыгарып салып, каалагандай эсептеп атышса, кол санак кантип акыйкат болот? Мына, Баткендеги байкоочуларга жыйынтыкты үч күндөн кийин аласыңар дептир, үч күн ичинде кандай гана бурмалоолорду жасаса болот. Демек, кол санакка да ишенич жок. Ошол үчүн шайлоонун жыйынтыгы жокко чыгарылышы керек".
Мыктыбек Арстанбек: Кыргызча котормосун таппай жатам. "Наглый жалган" бул. Биз деле компьютер менен иштейбиз. Булар мурда эле пландаштырып, киргизип койгон. Анан добуштарды көргөндө киргизип коюшту. Өздөрүнүкүн алып өтөбүз дешти. Элдин добушун жокко чыгаруу. Эл ансыз деле аз катышты да. Ошол жүрөгү менен добуш бергендердин ишенимин өчүрдү да. Булар парламентке ушундай партиялардын келишинен коркту. Партиялар өлүп-талып араң алган добуштарын жоготобу? Күрөшөт.