Кыргызстанда миңдеген үй-бүлө "Жер участокторун трансформациялоо жөнүндө" мыйзамдын кабыл алынышын күтүп келе жатышат. Ансыз алардын жашаган турак жайлары мыйзамсыз жер тилкелерине курулган болуп эсептелет. Өкмөт бул маселе каралат деп убада кылганы менен азырынча эч кандай чечимге келе элек. “Азаттыктын” “Ыңгайсыз суроолор” телепрограммасынын бул жолку чыгарылышында ушул маселе талкууланды. Программага Жогорку Кеңештин мурдагы депутаты Эсенгул Исаков жана Мамлекеттик каттоо кызматынын жер каттоо департаментинин башчысы Нарынбек Исаков катышты.