Митингдин модераторлору Атай Самыйбек менен Сайкал Жумалиева болду.
"Биз укуктук мамлекетти колдойбуз", "Мамлекетим Баш мыйзамды бил жана аткар!", "Эгер мамлекет мени укпаса, тынчтык митинги менин укугум!".
Жогорку Кеңештин мурдагы депутаты, ушул тапта тергөө абагында отурган Равшан Жээнбеков Аялдардын укугун коргоо маршына тилектештигин билдирип, коомду бул багытта биримдикке чакырды.
“Азыр коомдук жашоого укук менен эркиндикке олуттуу караган жаңы муун аралаша баштады. Биз аларга өз тажрыйбабызды өткөрүп бере албайбыз, бирок эч болбогондо тоскоолдук кылбай, колдоп турушубуз керек. Жарандык тилектештик улуттук кызыкчылыктарыбызды коргоого, жаңы жана заманбап Кыргызстанды курууга мүмкүнчүлүк берет”, - деп айтылат Жээнбековдун кайрылуусунда.
Жээнбеков Кой-Таш окуясы боюнча айыпталып, 12-декабрда Бишкектеги №1 тергөө абагына камалган.
Акциянын жүрүшүн түз эфирден көрүңүз
Аялдар маршы: талаштырган 8-март