19:39
13.4.2013
Айбек Сарыгул, Кыргызстан-Түркия достук жана маданият Кеңешинин төрагасы:
Нью-Йорктогу форумга мен катышып, резолюцияга кол койгом. Анда да федерация түзөбүз деп сүйлөшкөнбүз. Ал ишке ашкан жок. Андан башка чет өлкөлөрдөгү мигранттардын Кыргызстанга жөнөткөн акчасын туура пайдалануу үчүн атайын коомдук акционердик уюм түзүү керек дегенбиз. Ал уюмга кыргыз өкмөтү салык жагынан жеңилдик берсе, чет жактан бизнести үйрөнгөн балдар жакшы иш жүргүзүп кетет эле деп ойлогонбуз. Менимче, форумду өткөргөн диаспора, же уюм эмки форумга чейин ортодогу координация иштерин өзүнө алуусу керек. Мисалы, бул форумда Америкадагы Кыргыз клаб былтыртан бери кандай иштер жасалганын, резолюция аткарылган-аткарылбаганы тууралуу отчет бериши керек. Эмдиги жылы Москвада чогулабыз деп атабыз, ошого чейин жоопкерчиликти Кыргыз клабдын Италиядагы бөлүмүнө жүктөйлү.
Нью-Йорктогу форумга мен катышып, резолюцияга кол койгом. Анда да федерация түзөбүз деп сүйлөшкөнбүз. Ал ишке ашкан жок. Андан башка чет өлкөлөрдөгү мигранттардын Кыргызстанга жөнөткөн акчасын туура пайдалануу үчүн атайын коомдук акционердик уюм түзүү керек дегенбиз. Ал уюмга кыргыз өкмөтү салык жагынан жеңилдик берсе, чет жактан бизнести үйрөнгөн балдар жакшы иш жүргүзүп кетет эле деп ойлогонбуз. Менимче, форумду өткөргөн диаспора, же уюм эмки форумга чейин ортодогу координация иштерин өзүнө алуусу керек. Мисалы, бул форумда Америкадагы Кыргыз клаб былтыртан бери кандай иштер жасалганын, резолюция аткарылган-аткарылбаганы тууралуу отчет бериши керек. Эмдиги жылы Москвада чогулабыз деп атабыз, ошого чейин жоопкерчиликти Кыргыз клабдын Италиядагы бөлүмүнө жүктөйлү.
17:21
13.4.2013
Гүлсана Сарногоева, Кыргызстандык ыктыярчылар (волонтерлор) коомунун демилгечиси, Италия:
Руслан Казакбаев тышкы иштер министри болуп турганда "эже, сиз Италиядагы Ардактуу консул болуп бербейсизби" деп мага айтты эле. Мен ага билимим, тажрыйбам жетеби деп чочулап турганымды айткам. Кийин башка татыктуу кишилерди сунуш кылдык эле, азырынча чечиле элек. Ушул эки күндөн бери өтүп жаткан форумду Италияда иштеп жүргөн Жанатбек Шаршеев жана башка жердештерибиз өз чөнтөгүнөн акча чыгарып, жумушун таштап, чуркап уюштуруп жүрүшөт. Эгерде Консулдук болгондо көп жагынан ушул форумду уюштурууга да жардам болмок.
Руслан Казакбаев тышкы иштер министри болуп турганда "эже, сиз Италиядагы Ардактуу консул болуп бербейсизби" деп мага айтты эле. Мен ага билимим, тажрыйбам жетеби деп чочулап турганымды айткам. Кийин башка татыктуу кишилерди сунуш кылдык эле, азырынча чечиле элек. Ушул эки күндөн бери өтүп жаткан форумду Италияда иштеп жүргөн Жанатбек Шаршеев жана башка жердештерибиз өз чөнтөгүнөн акча чыгарып, жумушун таштап, чуркап уюштуруп жүрүшөт. Эгерде Консулдук болгондо көп жагынан ушул форумду уюштурууга да жардам болмок.
17:12
13.4.2013
Бакыт Көбөгөнов, Кыргыз клабдын Германиядагы жетекчиси:
Үч секциядан түшкөн сунуштарды жалпыласак, биринчи саясий маселелер боюнча секциядан кыргыз өкмөтүнөн кош жарандуулук маселесин чечип берүү - Германия, Италия, Орусия жана башка өлкөлөрдүн өкмөттөрү менен бул маселе боюнча сүйлөшүү жүргүзүү сунушталды. Мурда мигранттар Кыргызстанга барып, үч жыл туруктуу жашамайынча, шайлоого талапкер катары катышууга укугу жок болсо, азыр андай эмес экен. Бизнес секциясынан чет мамлекеттердеги жана Кыргызстандагы бизнесмендердин баарын бириктире турган орток бизнес портал ачуу сунушу түштү.
Үч секциядан түшкөн сунуштарды жалпыласак, биринчи саясий маселелер боюнча секциядан кыргыз өкмөтүнөн кош жарандуулук маселесин чечип берүү - Германия, Италия, Орусия жана башка өлкөлөрдүн өкмөттөрү менен бул маселе боюнча сүйлөшүү жүргүзүү сунушталды. Мурда мигранттар Кыргызстанга барып, үч жыл туруктуу жашамайынча, шайлоого талапкер катары катышууга укугу жок болсо, азыр андай эмес экен. Бизнес секциясынан чет мамлекеттердеги жана Кыргызстандагы бизнесмендердин баарын бириктире турган орток бизнес портал ачуу сунушу түштү.
17:09
13.4.2013
Миргүл Өмүралиева, Римдеги кыргыз коомунун жетекчиси:
Италиядагы экономикалык кризистин эпкини биздин мигранттарды да кыйын абалга туш кылды. Айрыкча эркек мекендештерге Италияда жумуш табуу кыйын. Неаполдо азыр иш таппай жүргөн эркек мекендештер аябай көп. Ушул жок дегенде Италиядагы мигранттардын маалымат алмашуу борборун түзүп алсак, кайсыл жерде иш бар экенин бири-бирибизден угуп, жардамдашат элек. Италия өкмөтүнө ыраазыбыз, документибиз жайында болбогон күндө да, балдарыбыз көчөдө калган жок. Мектеп, коллеждерде бекер билим алып жатышат. Бирок аларга кыргыз тилин үйрөтүү жагынан аксап атабыз. Бизге Орусиядагыдай кыргыз тилин окутуу борбору, же мугалимдер керек.
Италиядагы экономикалык кризистин эпкини биздин мигранттарды да кыйын абалга туш кылды. Айрыкча эркек мекендештерге Италияда жумуш табуу кыйын. Неаполдо азыр иш таппай жүргөн эркек мекендештер аябай көп. Ушул жок дегенде Италиядагы мигранттардын маалымат алмашуу борборун түзүп алсак, кайсыл жерде иш бар экенин бири-бирибизден угуп, жардамдашат элек. Италия өкмөтүнө ыраазыбыз, документибиз жайында болбогон күндө да, балдарыбыз көчөдө калган жок. Мектеп, коллеждерде бекер билим алып жатышат. Бирок аларга кыргыз тилин үйрөтүү жагынан аксап атабыз. Бизге Орусиядагыдай кыргыз тилин окутуу борбору, же мугалимдер керек.