24-январда Коопсуздук кеңешинде президент Сооронбай Жээнбеков укук коргоо органдарынын коррупцияга каршы күрөшүн сындап, прокуратура менен сот жемкорлукту калкалап жатканын айтты. Ал жемкорлор менен күрөшө албаган жетекчилерди кызматын тапшырып кетүүгө чакырды. Президент жарыялаган коррупцияга каршы күрөш эмнеге аксап жатат? Укук коргоо, сот органдарынын коррупцияга карата кош көңүл мамилесинин сыры эмнеде? Кыргызстанда коррупцияга каршы реалдуу кыймыл-аракеттер качан жүрө баштайт? Студиянын коноктору – юридика илимдеринин доктору Бекбосун Бөрүбашев жана Коопсуздук кеңешинин катчылыгынын Коопсуздук жана коргоо секторунун башчысы Рысбек Абдысатаров.