Казактар теңгенин куну түшкөнүнө нааразы
12-февралда Алматыда ондогон нааразы адамдар Улуттук банктын кеңсесинин алдына пикетке чыкты. Алар теңгени 19% арзандатуунун жүйөсүн түшүндүрүп берүүнү талап кылышты. Кээ бирлер Улуттук банктын төрагасы Кайрат Келимбетовду тилдешип, тез кызматтан кетүүгө чакырышты. Төраганын орун басары Кубат Кожахметов митингчилер менен кездешип, баалардын жогорулашына жол берилбейт жана доллар менен алынган насыянын төлөмү өзгөрүлбөйт деп сөз берди. Учурда 1 доллар 186-200 теңгеге сатылууда. 10-февралда 1 доллар 156 теңге эле.