Чыңгыз таануучу, маданият таануучу, мамлекеттик жана коомдук ишмер Мурат Мухтар уулу Ауэзов узакка созулган дарттын айынан 13-июнда Алматыда дүйнөдөн кайткан.
Кыргыз-казакка таанымал Мурат Ауэзов менен коштошуу
2024-жылы 16-июнда Алматыдагы Мухтар Ауэзов атындагы казак драма театрында белгилүү окумуштуу Мурат Ауэзов менен коштошуу зыйнаты өттү. Маркумдун сөөгү Кеңсай-1 көрүстөнүндө атасы, айтылуу жазуучу Мухтар Ауэзовдун жанына коюлду.
1
Мурат Ауэзов 1943-жылы 1-январда Казакстандын Жамбыл облусунун Мерке айылында жарык дүйнөгө келген. Ал казактын белгилүү жазуучусу Мухтар Ауэзовдун уулу.
2
Мурат Ауэзов Ломоносов атындагы Москва мамлекеттик университетинин Чыгыш тилдери институтунун филолог-чыгыш таануучу адистиги боюнча билим алган.
3
Мурат Ауэзов адабият теориясы боюнча филология илимдеринин кандидаты. "Казакфильм" киностудиясында (1981-1987) баш редактор. Казакстан жазуучулар бирлигинин көркөм котормо жана адабий өз ара байланыштар бөлүмүнүн башчысы (1988-1990). Казакстандагы "Мир" телерадиокомпаниясынын көркөм жетекчиси (1990) ж.б. бир катар чыгармачылык кызматтарды аркалаган.
4
Мурат Ауэзов көркөмдүк процесстин теориясы менен тажрыйбасы боюнча 200дөн ашуун илимий макалалардын, "Убакытты байланыштырган - жип" (1972), "Иппокрена. Убакыт кудуктарына баруу" (1997) жана "Кайтуу үчүн кетүү" (2002) деген эмгектердин автору.
5
Мурат Ауэзов Казак ССР Жогорку Кеңешинин депутаты, президиумдун мүчөсү, парламенттер аралык байланыштар жөнүндөгү комитеттин төрагасы (1990), Улуттук китепкананын жетекчиси (2003-2006) сыяктуу кызматтарды аткарган. Казакстандын Кытай Эл Республикасындагы туңгуч элчиси болгон.
6
7
Мурат Ауэзов коомдук-саясий иштерге да аралашкан. Жаш кезинде Москвада окуган казак жаштарынын казак маданиятын таанытууга багытталган "Жаш тулпар" маданий-агартуу уюмуна кирген, кийин "Невада-Семей" өзөктүк куралга каршы кыйылынын вице-президенти, "Азамат" кыймылынын теңтөрагасы болгон. "Сорос-Казакстан" уюмунда башчылык кызматты аркалап, "Коомдук коргонуу" уюмунун курултайына катышкан.
8
Мурат Ауэзов өмүрүнүн соңуна чейин Казакстандагы коомдук-саясий процесстерге үн кошуп, жарандык пикирин билдирип келди.
9
10
11
Мурат Ауэзов 2006-жылдагы "Шаңырак окуясы" аталган бийликке каршы нааразылык акциясында кармалып, камалгандарды коргоо комитетине мүчө болуп, узак жылга соттолгон Арон Атабекти жактагандар арасында жүргөн.
12
13
Мурат Ауэзов 2022-жылы акыркы жолу "Каңтар окуясында" кармалгандарды коргогон "Араша" комитетинин курамына кирген.
14
15
16
17
Мурат Ауэзовдун кабыры атасы Мухтар Ауэзовдун жайынын жанында.
18
