АКШ президенти Жо Байден Газа тилкесиндеги туш келди аткылоолордон улам Израил эл аралык колдоону жоготуп жатканын билдирди. Бул үчүн Израилдин өкмөт башчысы Биньямин Нетаньяху "өзгөрүш керек" деген оюн ал 12-декабрда шайлоо өнөктүгүнүн алкагында жасаган билдирүүсүндө айтты.
Рейтер агенттиги белгилегендей, муну менен Байден АКШ менен Израилдин көз караштары эки башка болуп жатканын айгинеледи.
ХАМАС (АКШ менен Евробиримдикте террордук деп таанылган) уюму көзөмөлдөгөн Газа тилкесинин Саламаттык сактоо башкармалыгы жөөт армиясынын операциясынын жыйынтыгында 18 миңдей киши набыт болгонун, 50 миңден ашууну жараат алганын билдирди. Бул санды көз карандысыз булактардан ырастоо мүмкүн эмес.
Буга чейин Биньямин Нетаньяху анын өкмөтү менен Байдендин администрациясынын ортосунда Газанын согуштан кийинки тагдыры боюнча пикир келишпестик бар экенин айткан.
“Ооба, ХАМАСтан кийинки күн боюнча пикир келишпестик бар, бирок мунаса табарыбызга үмүттөнөм”,- деди Нетаньяху.
АКШ президенти Жо Байден Газа тилкесиндеги туш келди аткылоолордон улам Израил эл аралык колдоону жоготуп жатканын билдирди. Бул үчүн Израилдин өкмөт башчысы Биньямин Нетаньяху "өзгөрүш керек" деген оюн 12-декабрда шайлоо өнөктүгүнүн алкагында жасаган билдирүүсүндө айтты.
Рейтер агенттиги белгилегендей, муну менен Байден АКШ менен Израилдин көз караштары эки башка болуп жатканын айгинеледи.
ХАМАС (АКШ менен Евробиримдикте террордук деп таанылган) уюму көзөмөлдөгөн Газа тилкесинин Саламаттык сактоо башкармалыгы жөөт армиясынын операциясынын жыйынтыгында 18 миңдей киши набыт болгонун, 50 миңден ашууну жараат алганын билдирди. Бул санды көз карандысыз булактардан ырастоо мүмкүн эмес.
Буга чейин Биньямин Нетаньяху анын өкмөтү менен Байдендин администрациясынын ортосунда Газанын согуштан кийинки тагдыры боюнча пикир келишпестик бар экенин айткан.
“Ооба, ХАМАСтан кийинки күн боюнча пикир келишпестик бар, бирок мунаса табарыбызга үмүттөнөм”,- деди Нетаньяху.
Бириккен Улуттар Eюмунун Башкы ассамблеясы көпчүлүк добуш менен Газа тилкесиндеги ок атышууну дароо токтотууга чакырган резолюцияны кабыл алды.
Аны БУУга мүчө 153 мамлекет колдоду, ону каршы добуш берди. 23 мамлекет добуш берген жок.
Документте “бардык тараптар карапайым тургундарды коргоо боюнча эл аралык укук, анын ичинде гуманитардык укук боюнча алган милдеттемелерин сакташы керек” деп жазылган.
Андан тышкары бардык туткундарды токтоосуз бошотуу чакырыгы камтылган. Израилдин БУУдагы элчиси Гилад Эрдан добуш берүүнүн алдында резолюцияда ХАМАС (АКШ менен Евробиримдикте террордук деп таанылган) уюмун айыптоо жок болгондуктан, аны “эки жүздүү” деп атады.
Газа тилкесинде гуманитардык кырдаал курч бойдон калууда. Эл аралык уюмдар гуманитардык жардам өтө аз көлөмдө кирип жатканына тынчсызданууда. Дүйнөлүк Саламаттыкты сактоо уюму учурда ХАМАС көзөмөлдөгөн анклавда 11 гана оорукана жарым-жартылай иштеп жатканын билдирген.
Ал арада Израилдин армиясы Иордан дарыясынын Батыш жээгиндеги Женин качкындар лагеринде контрачабуул операциясын баштаганын билдирди.
Газа тилкесиндеги ооруканалардын үчтөн бири гана жарым-жартылай иштеп жатканын Рейтер агенттиги Дүйнөлүк Саламаттык сактоо уюмунун өкүлү Ричард Пиперкорнго таянып жазды.
“66 күн ичинде 36 оорукананын 11и гана жарым-жартылай иштеп калды. Алардын бирөө түндүктө, калган ону түштүктө. Биз медициналык мекеме же оорукананын жабылышына дагы бир ирет жол бере албайбыз”,- деди ал брифингде.
БУУ жана бир катар эл аралык уюмдар Газа тилкесиндеги гуманитардык кырдаал боюнча тынчсыздануусун билдирип жатышат. Евробиримдиктин тышкы саясат боюна башкы комиссары Жозеп Боррел Газадагы кырдаалды “катастрофалык” деп мүнөздөдү.
Боррел жөөт армиясынын ХАМАС радикал тобунун чабуулуна жообу жай тургундардын арасындагы болуп көрбөгөндөй жоготууларга алып келгенин билдирди.
ХАМАС көзөмөлдөгөн Саламаттык сактоо башкармалыгы согуш башталганы аймакта 18 миң кишинин өмүрү кыйылганын билдирди. Бул санды көз карандысыз булактардан ырастоо мүмкүн эмес.
ХАМАС радикал кыймылы 7-октябрда Израилге кол салып, 1200 кишини өлтүрүп, 240тай адамды барымтага алган. Бул окуядан кийин жөөт армиясы ХАМАСка каршы согуш жарыялап, Газа тилкесине чабуулун баштаган.
БУУ жана бир катар эл аралык уюмдар анклавда гуманитардык кризис күч алганын билдирип, ок атышууну токтотууга чакырууда.