Ирандын мамлекеттик телеканалы 24-июндун таңында Израил менен аскердик жаңжалда ок атышууну токтотуу режими башталганын жарыялады. Ирандын тышкы иштер министри Аббас Арагчи X социалдык тармактагы баракчасына Ирандын армиясынын аскердик операциялары жергиликтүү убакыт боюнча таңкы саат төрттө токтотулганын билдирди.
Мунун алдында АКШнын президенти Дональд Трамп Truth Social платформасына Иран-Израил жаңжалында ок атуу толук токтоп, эки тарап тынчтыкка келишкенин жазган.
Жакынкы Чыгыштагы дагы бир куралдуу жаңжал 13-июнда Израил Ирандын өзөктүк курал жасоо аракетин алдын алууну көздөгөнүн айтып, сокку урганда тутанган.
АКШ президенти Дональд Трамп Иран-Израил жаңжалында ок атуу толук токтоп, эки тарап тынчтыкка келишкенин жазды.
Бул тууралуу ал Truth Social платформасына жазды. Трамп “12 күндүк согушту” токтотчу келишим этап-этап менен күчүнө кирерин билдирди. АКШ президентинин жазганына караганда, ок атуу жакынкы “алты саат ичинде” токтоп, ал алгач 12 саатка созулат жана андан соң “согуш аякташы керек”.
Трамп постунда ок атууну токтотуунун көп жагдайларын ачыктаган эмес.
“Баарыңарды куттуктайм”, - деп жазды АКШ президенти.
"Расмий түрдө Иран ок атууну токтотот, анын 12-саатында Израил ок атууну токтотууну баштайт. Ал эми 24-саатында бүткүл дүйнө 12-күндүк согуштун расмий аяктаганын кубаттайт”, - деп кошумчалады Трамп.
Бирок Иран жана Израилдин бийликтери бул тууралуу комментарий бере элек.
Жакынкы Чыгыштагы дагы бир куралдуу жаңжал 13-июнда Израил Ирандын өзөктүк курал жасоо аракетин алдын алууну көздөгөнүн айтып, сокку урганда тутанган.
Ислам жумурияты ага жооп кайтарып, Израил тарапка ракеталарын ата баштаган. Ошондон бери соккулар тынчыбай келет. Эки тараптан тең жайкын адамдар жабыркап жатат.
АКШ 22-июнга караган түнү Ирандын өзөктүк объекттерине абадан сокку урган. Президент Дональд Трамп бул операцияда негизги объекттер “толук талкаланганын” билдирген. Иран Пентагондун чабуулу үчүн өч алаарын жарыялаган.
Иран Катардагы америкалык базаны аткылады
Дүйшөмбүнүн кечинде Иран Катардагы америкалык аскердик базаны көздөй ракеталарын учурду. Ирандын мамлекеттик медиасы “Аль-Удейд” аба базасына сокку урулганын жарыялап, аны “Американын агрессиясына кубаттуу жана ийгиликтүү жооп” деп мүнөздөдү.
“Ассошиейтед пресс” жаңылыктар агенттиги жазгандай, бул чабуул Катар аба мейкиндигин жапкандан көп өтпөй орун алды. Расмий Доха чабуулдан жабыркагандар жок экенин, Катардын абадан коргонуу системалары Ирандын ракеталарын атып түшүргөнүн кабарлады.
Ирандын медиасы АКШнын Ирактагы аскердик базасына да сокку урулганын билдиргени менен азырынча бул тууралуу кошумча маалыматтар жарыялана элек.
АКШнын бийлиги да Катар менен Ирактагы аскердик базаларын бутага алган чабуулдар тууралуу комментарий бере элек.
Кошмо Штаттар 22-июнга караган түнү Ирандын өзөктүк объекттерине абадан сокку урган. Президент Дональд Трамп бул операцияда негизги объекттер “толук талкаланганын” билдирген. Иран Пентагондун чабуулу үчүн өч алаарын жарыялаган.
Жакынкы Чыгыштагы дагы бир куралдуу жаңжал 13-июнда Израил Ирандын өзөктүк курал жасоо аракетин алдын алууну көздөгөнүн айтып, сокку урганда тутанган.
Ислам жумурияты ага жооп кайтарып, Израил тарапка ракеталарын ата баштаган. Ошондон бери соккулар тынчыбай келет. Эки тараптан тең жайкын адамдар жабыркап жатат.
Тегеран 23-июнда жабыркагандар боюнча расмий маалыматты жаңылады.
Ирандын мамлекеттик телеканалы өлкөнүн Саламаттык сактоо министрлигинин маалыматына шилтеме кылып, Израилдин чабуулу башталгандан бери 500гө жакын адам каза болгонун билдирди.
Саламаттык сактоо министрлигинин маалыматында 3 миңден ашуун киши жараат алган.
Каза тапкандар арасында жогорку кызматтагы аскер жетекчилери жана өзөктүк программаны иштеп чыгууга катышкан белгилүү окумуштуулар бар.
"Ирандагы адам укуктарын коргоочулары" уюму каза тапкандардын саны расмий маалыматтан эки эсе көп болушу мүмкүн деп билдирүүдө.
Ирандагы азыркы кырдаалга көз салып жаткан Human Rights Activists News Agency (HRANA) бейөкмөт уюму тараткан маалыматта, 19-июнга карата каза болгондор 657 киши, жараат алгандар 2037. Уюм каза тапкандардын кеминде 263ү жайкын тургундар (көбү Тегеранда), арасында 20сы балдар экенин билдирген, мындан тышкары 230 маркумдун же аскер кызматкери, же катардагы жаран экени белгисиз.
Шерине