Бактыбек Максүтов: Балыкчы шаарынын кире беришине Манас бабабыздын эстелигин тургузуу керек. Акыркы кезде Кыргызстанда туризм өнүгүп жатат. Бишкектин темир жол вокзалына түшкөн адам кара айгырын алкынтып минип турган Фрунзенин эстелигин көрөт. Андан кийин Ново-Покровка айылын басып, Көл тарапка бет алат. Кемин шаарчасына киргенде орус офицеринин кийимин кийген Шабдан баатырды карап өтүшөт. Андан кийин жүрүп отуруп Балыкчы шаарына жеткенде атын, итин жетелеген Семенов Тянь-Шанскийдин эстелигин, Көлдүн башынан Прежевальскийдин эстелигин көрүшөт. Ушулардын баарын көргөн кишиде Кыргызстан Орусиянын бир автоном облусундай сезилиши мүмкүн. Ошондуктан Балыкчы шаарынын кире беришине Манас бабабыздын эстелигин орнотуу зарыл деп ойлойм.
"Азаттыктын" сурамжылоосу: Курултайда эмнени айткыңыз келет?
