Ош шаарынын тургуну, Баткен согушунун катышуучусу, 40 жаштагы Руслан Абдулганиев калаа четиндеги Дача айылында 20 жылдан бери энеси менен жашайт. Апасы пенсияда, өзү болсо согушта бир колунан ажыраган. Абдулганиев ушул күнгө чейин мамлекет тарабынан эч кандай жардам болбогонун айтат. Ушу тапта эне-баланын эңсегени орундалып, алар үчүн ашар жолу менен үч бөлмөлүү үй курула баштады.