Катаал жылдар тууралуу үч китеп чыкты

Бишкектеги Алыкул Осмонов атындагы улуттук китепканада Роза Айтматованын калеминен чыккан "Атам жөнүндө эскерүү", "Кат келди" даректүү китептери менен Төрөкул Айтматовдун небереси Асан Ахматов жазган "Ата бейит" тарыхый романынын бет ачары болду. Бул эмгектерде Айтматовдордун үй-бүлөсү басып өткөн отузунчу жылдардагы оор жашоо менен катар агартуучу, мамлекет куруучу ишмердиктери кеңири сүрөттөлгөн.