Кайрат Пиримбердиев: Мындай окуяларда ар бирибиздин жоопкерчилигибиз бар. Кайдыгербиз. Бир окуя болсо мага тиешеси жок, менин короом тынч болсун деген принцип менен жашап атабыз. Бирок биз коомдун мүчөсүбүз. Жаман окуялар боло берсе, сиздин үй-бүлөңүз да жабыр тартышы мүмкүн. Биз ошон үчүн унчукпас болбошубуз керек. Болуп аткан нерселерди ачык айталы. Бийликке унчукпас адамдар жагат, жыргап жүрө беришет. Ошон үчүн кайдыгер болбойлу, ачык айталы, талап кылалы.
"Өчпөс отту өчүргөн жигитти бир саатта табышты. Активисттерди түнү менен кармап келишет. Жээнбековдун убагынан бери эле туура эмес сүйлөп койсо, кечирим суратып жатышты. Бирок ушул кылмышты таба алышкан жок. Мал кайтарып жүргөн адам айтып атат "машине эки күн турду" деп. Ички иштер министри мындан кийин кызматта отурбашы керек", - деди дагы бир митингдин катышуучусу.
"Мен жалгыз бой энемин. Эки баланы жалгыз багам. Алимент да албайм. Жетекчилерге айттым. Бүгүнкү күндүн айлыгын төлөбөй эле койгула, митингге барам деп. Жыл башынан бери канча аял союлуп, сабалып өлдү. Ошол жерден сүйрөп атса бир да киши, машине токтогон жок. Биз минтип кайдыгер болсок, эртең биздин да балдар-кыздарыбызга кол салышат. Биз кандай мамлекетте жашап атабыз?".