Жаратылыш ресурстары, экология жана техникалык көзөмөл министрлиги Кыргызстанда мыйзамсыз аңчылык кылуу жана сейрек кездешүүчү жапайы
жаныбарларды аткандарга көп суммада айып салынарын эскертти.
Министрликтин маалыматы боюнча, ак илбирске аңчылык кылгандар 2 млн сом, аркар-кулжа, марал, күрөң аюу, жейренди аткандар 1,5 млн сом, кызыл карышкыр, мадыл, сүлөөсүнгө аңчылык кылгандар 50 миң сом, ортоазиялык күндуз, мензбир суурун аткандар 20 миң сом айыпка жыгылат.
Мекеме буга чейин Ош облусунун Кара-Кулжа районуна караштуу Алайкуу айыл аймагынын “Кашка-Суу” жайлоосунда тоо текеси мыйзамсыз атылганы аныкталып, Укук бузуу жөнүндө кодекс боюнча12 500 сом административдик айып пул салынганын кошумчалады. Андан тышкары жаратылышка келтирилген зыян үчүн 300 миң сом өлчөмүндө доо коюлуп, материалдар укук коргоо органдарына берилген. (BTo)
Шерине