Орусиянын армиясы 24-апрелге караган түнү Украинанын шаарларына жапырт чабуул койду.
Баш калаа Киев да ракета жана дрон чабуулуна кабылып, тогуз киши каза тапканын Украинанын куткаруу кызматы билдирди.
«Баштапкы маалыматтарга караганда, тогуз киши каза тапты, 63ү жабыркап, 42 киши ооруканага жеткирилди. Алардын алтоо балдар», — деп жазды Украинанын өзгөчө кырдаалдар кызматы.
Куткаруучулар уранды алдында калгандарды издеп жатышат. Соккудан кийин гараж, имарат, мекемелерде өрт чыгып, автоунаалар күйүп кетти. Азыр Киевдин беш районунда куткаруу, тазалоо иши жүрүп жатат.
Орусиянын ракеталык жапырт чабуулуна Харьков, Днепропетров облустарындагы шаарлар да кабылып, турак жайлар талкаланып, автоунаалар өрттөлдү.
Москва соккулар тууралуу комментарий бере элек.
Шерине