Түштүк Кореянын Конституциялык соту президент Юн Сок Ёлго импичмент жарыялоо боюнча сунушун колдоп, аны биротоло кызматтан кетирди. Сегиз судьядан турган соттук коллегия чечиминде президент Конституцияны бузуп, демократиянын принциптерине каршы иш жасаганын белгиледи.
Эми өлкөдө 60 күндүн ичинде президенттик шайлоо өтүшү керек.
2024-жылы 14-декабрда Түштүк Кореянын парламентиндеги 300 депутаттын 200дөн көбү Юн Сок Ёлго импичмент жарыялоону колдогон. Буга анын 3-декабрда күтүүсүз аскердик абал жарыялаганы түрткү болгон.
Сот 19-январда Юн Сок Ёлду камоого расмий ордер берген. Ишти Сеул округдук соту караган. Процесс маалында кызматтан четтетилген президенттин жүздөгөн тарапташы чогулуп, соттун имаратынын айнектерин сындырып, ичине кирүүгө аракет кылышкан. Ошол эле жерде Юнга каршы болгондор да митинг уюштурган.
Юн Сок Ёль 15-январда камакка алынып, март айында кайра тергөө абагынан чыккан. (BTo)
Шерине