Орусияда 81 чет элдик маалымат каражаттарынын ишмердүүлүгүнө тыюу салынды. Бул тууралуу шаршемби күнү өлкөнүн башкы прокурору Игорь Краснов билдирди. Маалыматка караганда, алардын арасында Politico, France Presse, Der Spiegel, Yle, El País, EUobserver, LRT, Delfi жана башка маалымат каражаттары бар.
Игорь Красновдун айтымында, Орусияда 71 уюм "жагымсыз уюмдардын" тизмесине киргизилген. Андан тышкары үч террордук бирикмеге жана аларга караган 172 уюмга тыюу салынган. Мындан тышкары, "жагымсыз уюм" тизмесине "Эркин Европа/Азаттык" радиосу, "Дождь" телеканалы, "Медуза", "Новая газета - Европа" киргизилген.
"Эркин Европа/Азаттык" радиосунун жана башка маалымат каражаттарынын веб-сайттарын бөгөттөө Орусия 2022-жылы Украинага басып киргенден кийин башталган. Роскомнадзор Facebook, Twitter жана Instagram социалдык тармактарына да бөгөт койгон. Орусиянын соту америкалык Meta корпорациясынын ишмердүүлүгүн "экстремисттик" деп таап, өлкөдө аны колдонууга тыюу салган.
Маалыматка караганда, Орусияда жалпы жонунан 523 миңге жакын сайт бөгөттөлгөн. (AiA)
Шерине