АКШ президенти Дональд Трамп Мамлекеттик башкаруунун эффективдүүлүгү департаментинин (DOGE) башчысы кызматын аркалаган Илон Маск бизнеске кайтарын билдирди. Трамптын айтымында, Масктын мамлекеттик кызматтагы мөөнөтү майдын соңунда аяктайт.
Politico Трамп бул тууралуу Ак үйдө журналисттердин Маскты кызматта калтыруу ою тууралуу суроосуна жооп берип жатканда айтканын жазды. DOGEде Маск 130 күн иштемек.
"Мен ал жакшы киши деп айта алам, анын өзү башкара турган чоң компаниясы бар, андыктан ал кайсы бир учурда кайтууга камынууда", - деген Трамп.
Трамп Tesla жана SpaceX компанияларын жетектеген Масктын өзү да бизнеске кайткысы келип жатканын белгилеген. Муну менен катар Маскты өкмөттө колунан келишинче кармай турганын, анткени ага "акылдуу адамдар жагарын" айткан. Федералдык агенттиктердин жетекчилери Масктан көп нерсе үйрөнгөнүн, ал баштаган ишти өз алдынча улантыша турганын кошумчалаган.
АКШ президенти айрым ведомстволорго DOGEнин кызматкерлери жагып, жумушта калтырууну каалап жатканын белгилеген.
Трамптын администрациясында Маск Ак үйдө 130 күн гана иштей турган убактылуу мамлекеттик кызматкер катары саналат. Миллиардердин ыйгарым укугу майдын соңунда аяктайт.
Шерине