Бишкектин борбордук көчөлөрүнүн бири - Айтматов проспектиндеги кыйылган дарактардын ордуна жаңы, жаш көчөттөр отургузулат. Көчөт отургузуу март айында башталат. Бул тууралуу 27-февралда Бишкектин вице-мэри Рамиз Алиев Жогорку Кеңеште депутат Гуля Кожокулованын суроосуна жооп берип жатып билдирди.
Анын сөзүнө караганда, жалпысынан борбор калаага 12 миң жалбырактуу жана ийне жалбырактуу дарак тигилет. Мындан тышкары "Жашыл мурас" долбоорунун алкагында Бишкекке дагы 2 миң түп дарак отургузулат.
Бишкек мэриясы Чыңгыз Айтматов проспектинин боюндагы теректерди кыюуну ордуна жаш бак отургузуу максаты менен түшүндүргөн. Мэрия муну дарактардын айрымдарына 50-60 жыл болуп, алар картайып, кооптуу болуп калганын жүйө кылган.
"Арча демилгеси" коомдук фонду 2024-жылы Бишкек шаарындагы 250 миңдей түп бак-дарак Бишкектин аянтынын 10% да түзбөсүн белгилеп изилдеп чыккан.(ZKo)
Шерине