Дарыгерлер Рим папасы Францисктин абалын өтө оор деп баалашты. 14-февралдан бери ооруканада жаткан понтифик астма илдетинен жабыркайт. Папа эс-учун жоготпогону менен оорунун азабынан кыйналып жатканын Ватикандын басма сөз кызматы билдирди.
Дем алуусуна жардам иретинде понтификти кислород аппараттына кошуп, кан куюшту.
Кардинал Жанфранко Равази белгилегендей, эгер Франциск ден соолугуна байланыштуу өзүнүн иш милдетин аткара албай кала турган болсо кызматынан баш тартышы керек.
88 жаштагы Франциск Рим шаарындагы Жемелли клиникасына февраль айынын ортосунда өпкө инфекциясына байланыштуу жаткырылган. Компьютердик томография анын эки өпкөсү тең пневмонияга чалдыкканын көргөзгөн. Соңку күндөрү анын абалы улам начарлап жатканы кабарланып, дарыгерлер сакайып кетүү ыктымалдыгын өтө этияттык менен айтып жатышат.
Рим папасы Францисктин өз аты Хорхе Марио Бергольо. Католиктер чиркөөсүнүн башчысы болуп ал 2013-жылы шайланган. Өспүрүм кезинде оорунун айынан дарыгерлер бир өпкөсүнүн бөлүгүн кесүүгө аргасыз болушканы, ошондуктан ар кандай респиратордук ооруларга көп чалдыгары айтылып келет.
Шерине