Линктер

ЧУКУЛ КАБАР!
5-Октябрь, 2024-жыл, ишемби, Бишкек убактысы 06:11

Караколдо балдар зомбулугуна каршы форум өткөрүлдү


Балдарга зомбулук кылууга каршы акция. Бишкек. 8-июль, 2023-жыл.
Балдарга зомбулук кылууга каршы акция. Бишкек. 8-июль, 2023-жыл.

Каракол шаарында "Биздин балдар. Коопсуз чөйрө" деп аталган социалдык форумда балдарга каршы зордук-зомбулукту алдын алуу, жабыр тарткан балдарга жана алардын үй-бүлөлөрүнө жардам көрсөтүү чаралары, дени сак үй-бүлөнү түзүү жаатындагы маселелер ортого салынды.

Форумга катышкан окуучулар балдардын жашоо, билим алуу жана башка укуктары боюнча дил баяндарын окуп беришти.

Аягында форумдун катышуучуларына ички күчтү жана зордук-зомбулукка жол бербөө чакырыгын символдоштурган “Кыздардын колунан баары келет” инсталляциясы көрсөтүлдү.

Иш-чара балдар укугу боюнча ыйгарым укуктуу өкүл Асель Чынбаеванын демилгеси менен “Зомбулукка каршы 16 күн” дүйнөлүк акциясын утурлай өткөрүлдү.

Жыл сайын 25-ноябрда кыздарга жана аялдарга карата зомбулукту жоюу үчүн күрөштүн эл аралык күнү белгиленет, аны менен “Зомбулукка каршы 16 күн” дүйнөлүк акциясы башталат.

Акыйкатчы институту 2022-жылы Кыргызстанда жашы жете элек балдарга зордук-зомбулук, адам укугун бузуу боюнча иштердин 31% кыскартылып, 32% гана сотко жеткенин маалымдаган. Калган 37% создуктурулуп, өндүрүштө калган.

Балдарга карата зордук-зомбулук токтобой жатканын Улуттук коопсуздук боюнча мамлекеттик комитеттин (УКМК) төрагасы Камчыбек Ташиев да белгилеген. Ал 17-ноябрда Чүй облусу боюнча Панфилов райондук бөлүмүнүн жаңы имаратынын ачылышында мекеменин кызматкерлерин өлкөдө аялдар менен балдарга жасалып жаткан зомбулукка каршы күрөшүүгө үндөгөн. (ZKo)

XS
SM
MD
LG