Садыр Жапаров: Суу ресурстары климатка байланыштуу азайып, Борбор Азияны тейлөөгө жетпей баратат. Кыргызстан кетирген чыгымдарына жараша адекваттуу кайтарымын ала албай келатат.
Быйыл жаздагы Борбор Азиядагы энергетика системасындагы кырсык бул жаатта маселелер бар экенин көргөздү.
Садыр Жапаров: Ооганстандагы бийликтеги өзгөрүүлөргө ылайык Ооганстанда тынчтык болушу үчүн биргелешкен аракеттерди көрүшүбүз зарыл деп эсептейм.
Биз Ооганстандын бийлиги менен мамилебиз үзүлгөн жок, элчилигибиз иштеп жатат. Өткөн жылы Кабулга гуманитардык жардам жибердик.
Садыр Жапаров: Борбор Азия мамлекеттеринин башчыларынын төртүнчү консультативдик жолугушуусунун алкагында боордош өлкөлөрдүн лидерлери менен кереметтүү Ысык-Көл көлүбүздүн жээгинде жүз көрүшүп жатканыбызга терең кубанычтабыз.
Шавкат Мирзиёев: Өзбекстанда жакында болгон окуялар Борбор Азияда туруксуздук жаратып, башаламандык жаратууну көздөгөн күчтөр бар экенин көрсөттү. Коопсуздук жаатында кызматташуубуз керек. Биз бир аймактабыз. Ооганстанга гуманитардык жардам жөнөтүп турушубуз керек.