Кытайдын Хэбей провинциясында 51 адамдан коронавирус табылганына байланыштуу бийлик 7-январда чектөөлөрдү күчөттү. Провинцияга кирип-чыгуу чектелди.
Жергиликтүү бийлик айдоочулардан жапырт анализ алып, шаардын башкы темир жол бекетин жапты. Жалпысынан Кытайда коронавируска чалдыккандардын саны 63 кишиге жетти. Бул 30-июлдан берки эң жогорку көрсөткүч.
Коронавирус алгач тараган Кытайда бул илдеттен каза болгондордун жалпы саны 4600дөн ашат.
Мексикада соңку бир суткада коронавирус миңден көп адамдын өмүрүн алды. Жапон баш калаасы Токиодо жана анын тегерек-четиндеги аймактарда оорунун жайылышын ооздуктоо максатында өзгөчө кырдаал режими жарыяланары күтүлүп жатат.
Жапонияда пандемия башталганы бул илдеттен үч миңден көп киши көз жумду. Австралия коронавируска каршы эмдөөнү баштаганы турат.
