Дүйнөдө болуп өткөн орчундуу окуялар сүрөттөрдө.
Коронавирус жана аялдар маршы
Өткөн аптада Кабулдагы жардыруудан 32 адам мерт кетсе, жекшемби күнү дүйнөнүн ар бир өлкөсүндө аялдардын тилектештик маршы өттү. Үч миңден ашык адамдын өмүрүнүн жалмаган вирус дүйнөгө тездик менен тарап жатат.
1
Аялдарга карата жасалган зордук-зомбулукка каршы "Зөөкүр" аталышындагы акцияга чыккан кыз. Бухарест.
2
8-мартта Бишкекте «Аялдардын шериктештик маршы» жүрүшүнө катышуу үчүн келген кызды милиция кызматкерлери кармап бара жаткан учур.
3
Сириянын түндүк-батышындагы Идлиб провинциясында Башар Асаддын армиясынын абадан урган соккуларынан кийин жараат алган сириялык жаш бала, Маарет-Мисрин шаарындагы ооруканалардын биринде отурат.
4
Кабулдагы жардыруудан тууганы каза болгонун уккан эркектер ыйлап жатат. Ооганстан.
5
Индиялыктар Ганг дарыясынын жээгинде өрттөлгөн сөөктөрдүн күлүн чачып жатышат.
6
"Делик" кыймылынын мүчөлөрү үй-бүлөлүк зордук-зомбулукка кабылган аялдардын сүрөтүн кармап турушат. Бухарест.
7
Румыниянын Айлана-чөйрөнү коргоо министрлигинин имаратынын астына каршылык акицясына чыккандар противогаздарды кийип жатышат.
8
Түштүк Кореялык аскерлер коронавирустун жыйылып кетишинин алдын алуу үчүн Сеулдун көчөлөрүн дезинфекциялоодо.
9
Мигрант Түркиянын түндүк-батышындагы Эврос дарыясынын боюнда кеменин келүүсүн күтүп жатат. Ал кеме аркылуу Грецияга кетүүгө аракеттенүүдө.
10
Масленица майрамы учурунда мелдешке катышып жаткан киши. Орусия.
