Укук коргоочу Азиза Абдирасулова мамлекет башчы Сооронбай Жээнбеков менен өткөн жолугушуу жакшы болду деп эсептейт. "Азаттыктын" суроосуна жооп берип жатып ал буларды айтты:
- Жакшы, позитивдүү диалог болду. Төрт саат жылбай отуруп сүйлөштү, биз менен. 40 адамдын ар бирине үч мүнөттөн сөз берилди. Сөзүн аяктай албай калгандарга кошумча убакыт берилип жатты. Биздин айткандарыбыздын ар бирин жазып алып, жооп берди.
Абдирасулова өзү жолугушууда Кыргызстанда кыйноо токтобой жатканын белгилеп, аскер кызматкерлеринин абалына, соттордун ишине байланыштуу төрт маселе көтөргөнүн айтты.
Бүгүн президент Жээнбеков жарандык сектордун 40 өкүлүн кабыл алды. (RK)
