Стокгольмдогу төрт адамдын өмүрүн алган терактты жасаган деп кармалган өзбекстандык жаран күнөөсүн моюнга алды. Анын адвокатынын айтымында, шектүү Акилов бул тууралуу баш коргоо чарасы каралып жаткан сотто айткан.
Терактка шектелип 9-апрелде экинчи кишини кармалган. Полиция анын аты-жөнүн айткан жок. Тек гана 7-апрелден берки иликтөө учурунда 600дөн ашуун сурак жүргөнү, Стокгольмдун негизги бөлүгүндө көптөгөн рейддер жүргөнү маалымдалды.
7-апрелде Стокгольмдо кылмышкер жүк ташуучу унаа менен элди тебелетип, анан соода борбордун имаратын сүздүргөндө машине өрттөнүп кеткен. Кол салуудан төрт адам өлгөн. Жараат алган 15 кишинин ону ооруканада.
