Парламенттеги «Республика - Ата-Журт» фракциясы автоунаа салыгын жоюп, аны күйүүчү май ташыгандардан алынчу акциздик салыкка кошууну сунуштоодо. Бул тууралуу аталган фракциянын катчылыгы билдирди. Маалыматка караганда, 3-мартта фракция автоунаа ээлери төлөгөн салыкты жоюу маселеси камтылган мыйзам долбоорун талкуулайт. Документ автомобилге салык жыйымдарын жогорулатуу жана салык түйшүгүн азайтууга багытталган. Аны депутаттар Дастан Бекешев, Өмүрбек Бабанов, Нурлан Макеев жана Мирлан Жеенчороев иштеп чыккан. (NT)
