Авиакырсык катталган Дача-Суу айылындагы тазалоо-куткаруу иштери бүгүн түндө да уланат. Бул тууралуу “Азаттыкка” өзгөчө кырдаалдар министри Кубатбек Боронов билдирди. Үйсүз калгандардын баары Бишкектеги “Семетей” мейманканасына жайгаштырылууда.
Боинг-747 үлгүсүндөгү Түркиянын жүк учагы 16-январда танга жуук Чүй облусунун аймагында эл жашаган конушка кулап, отуздан көп адам набыт кетти. Курман болгондордун төртөө - экипаж мүчөлөрү, калганы - Дача-Суу айылынын тургундары. Арасында балдар да бар. Ондон ашуун киши ооруканада. Жыйырмадан ашуун турак-жай кыйраган.
Учак Гонконгдон Стамбулга учуп баратып, май куюу үчүн “Манас” аэропортуна конордо кырсыкка кабылган.
17-январь – Кыргызстанда Аза күтүү күнү деп жарыяланды.(SE)
