Түштүк Корея парламенти президент Пак Кын Хеге импичмент жарыялоону колдоду. Жергиликтүү булактардын маалыматына караганда, бул маселени эми 180 күн ичинде Конституциялык сот карап чыгышы керек. Соттун чечими чыккыча мамлекетти башкаруу милдети премьер-министрге жүктөлөт.
Ноябрь айынын соңунда коррупциялык чууга кабылган президент Пак Кын Хе анын тагдыры парламенттин колунда экенин айткан. Ошондой эле ал элден кечирим сурап, мөөнөтүнөн мурда кызматтан кетүүгө даярдыгын билдирген.
