Учурда Орусияда 600 миңге жакын кыргызстандык эмгектенип жүрөт. Эгер Орусияда финансылык кризис дагы күчөсө мигранттар эмне болот? Аларды кандай тагдыр күтөт?
Орус рублинин наркынын түшүшү менен Орусияда иштеп жүргөн журтташтарыбыздын кирешеси 30-40% азайды. Эмгек көчмөндөрүнүн айлыгы азайып, айрымдары четинен мекенине кайта баштады. Тамак-аштын, батирдин жана башка керектөөлөрдүн баасы асмандап, мигранттардын акчасы өздөрүнө араң жетүүдө. Мындан улам журтташтардын Кыргызстанга жөнөткөн акчалары кескин кыскарып жатат.
Дүйнөнүн кыйырында жүргөн журтташтар, эгер сиздерде кеп-кеңештер болсо ушул форумга жазгыла. Сиздерден суроо-талаптарды, пикирлерди күтөбүз жана келген суроолорго тиешелүү кызмат адамдарынан жооп алып берүүгө аракет кылмакчыбыз.
Ушул форумга өзүңөрдү түйшөлткөн бардык маселелер боюнча кат жазгыла. “Журтташтар” - сиздин үнүңүз!