Жалал-Абад облустук администрациясына кирип барган митингчилер элдик губернатор деп Медер Үсөновду облус бийлик башчысынын креслосуна отургузду. Алгач облакимиаттын жанындагы аянтта башталган митинг администрациянын короосунда уланды. Анан 200 чакты митингчи имараттын ичине кирип барды. Аларды тоскон эч ким болгон жок. Медер Үсөнов облустагы акцияларды уюштуруу комитетинин башчысы болуп келген.
