Жапониядагы Фукушима атомдук электростанциясында бүгүн таң эртелеп үчүнчү жарылуу болду. Станциянын өзүндө жана жакынкы райондордо радициянын деңгээли жогорулады. Токио Электр компаниясынын расмий өкүлү: “Фукушима-1” атомдук электростанциясында жергиликтүү убакыт боюнча эртең мененки 6:14 экинчи реактордо жарылуу болду, - деди. - Биз ал жерлерди суу менен өчүргөнгө аракет кылып жатабыз. Бул ишке түздөн-түз катышпаган кызматкерлердин баары башка коопсуз жайга көчүрүлүп жатат".
Өткөн жума күнкү катуу жер титирөө жана цунамиден кийин бул станциядагы биринчи жана үчүнчү реакторлор жабыркаган эле. Бүгүн эрте менен №2-реактордо да жарылуу болду. Жапония абалды иликтеш үчүн Атомдук энергия боюнча эл аралык агенттиктен эксперттерди жиберүүнү суранган.
Бүгүнкү жарылуудан кийин өлкөнүн премьер-министри Наото Кан элге телекайрылуусунда бул станциянын айланасында 30 чакырымдык аралыктан чыгып кетүүгө чакырды. Анткени радиациянын коркунучу жогору.
Өткөн жума күнкү катуу жер титирөө жана цунамиден кийин бул станциядагы биринчи жана үчүнчү реакторлор жабыркаган эле. Бүгүн эрте менен №2-реактордо да жарылуу болду. Жапония абалды иликтеш үчүн Атомдук энергия боюнча эл аралык агенттиктен эксперттерди жиберүүнү суранган.
Бүгүнкү жарылуудан кийин өлкөнүн премьер-министри Наото Кан элге телекайрылуусунда бул станциянын айланасында 30 чакырымдык аралыктан чыгып кетүүгө чакырды. Анткени радиациянын коркунучу жогору.
