Адабият боюнча Нобел сыйлыгы перулук жазуучу Марио Варгас Льосага ыйгарылды. 74 жаштагы жазуучунун калеминен "Акыр замандын согушу", "Чиркөөдөгү баарлашуу", "Каармандын доору" жана башка чыгармалар жаралган. Анын новеллалары бир нече тилге которулган. Акыркы жолу латинамерикалык жазуучулар Нобел сыйлыгын 1982-жылы алышкан. Ал жылы колумбиялык Габриэл Гарсиа Маркес сыйланган. Льоса 1990-жылы Перунун президенттигине ат салышып, Алберто Фужимориге утулуп калган. Эртең тынчтык сыйлыгынын ээси аталмакчы.
