АКШнын Жакынкы Чыгышка атайын чабарманы Жорж Митчелл Израилдин өкмөт башчысы Бинямин Нетаняху менен сүйлөштү. Тараптар Израил-Палестин чатагын жөнгө салуу жолдорун, анын ичинде Израилдин Палестин жериндеги курулуштарын талкуулашты. АКШ Израилден мындай курулуштарды токтотууну талап кылып келет. Жолугушууда тараптар сүйлөшүүдө жылыштар болгонун билдиришти. Жакынкы Чыгышка сапарынын алкагында Жорж Митчелл Сирия, Египет жана Иордандын Батыш жээгинде болуп, араб лидерлери менен да сүйлөшүү жүргүздү.
