Муну Жогорку Кеңештин депутаты Зайнидин Курманов баштаган жумушчу топ ишке ашырат. Бул тууралуу президент Курманбек Бакиев кечээ өткөн “Көчмөндөр цивилизациясы жана маданият” долбоорунун бет ачарында билдирди. Анда белгиленгенге караганда Концепциянын биринчи багыты “Кыргыздардын мурастары жана келечек” деп аталат. Долбоордо өлкөнүн келечеги үчүн кыргыздардын жана башка улуттардын мурастарын пайдалануу, көчмөндөр цивилизациясынын проблемаларын жана келечегин иликтөө борборун түзүү өңдүү өңүттөр камтылышы керектиги да белгиленди. (BuS)
