Дүйнөлүк саламаттык сактоо уюму дүйнө коомчулугу чочко тумоосу сыяктуу коркунучтуу жугуштуу ооруларга каршы күрөшүү тажрыйбасына ээ болгондугун маалымдады. Дүйнөлүк саламаттык сактоо уюмунун аткаруучу директору Кейдзу Фукуда маалымат жыйынында чыгып сүйлөп, чочко тумоосу деген ооруга каршы вакцина иштеп чыгуу аракети көрүлө баштаганын билдирди. Буга чейин куш тумоосу деген жугуштуу оору чыгып, эл аралык коомчулук аны жеңүүгө жетишкен. Ал эми чочко тумоосу Мекcикада 81 кишинин өмүрүн алды. Башка бир катар өлкөлөрдө анын белгилери табылды.
