Ахмадинежаддын жардамчысы Али Акбар Жаванфекр Обаманын кайрылуусун кубаттап, ошол эле маалда президент АКШнын Иран саясатын түп тамырынан өзгөртүшү керек деп билдирди. Вашингтон буга чейинки каталарын моюнга алып, аларды оңдоого тийиш, - деди Тегерандын өкүлү. Иран менен АКШнын дипломатиялык алакалары мындан 30 жылдай илгери үзүлгөн. Кошмо Штаттардын мурдагы президенти Жорж Буш Иранды “карасанатай мамлекеттердин” катарына кошуп келген.
