Кыргызстан суу ресурстарын натыйжалуу пайдалануу боюнча кызыкдар бардык тараптар менен кызматташууга даяр.Кыргыз өкмөтүнүн мындай багытын премьер-министр Игорь Чудинов суу боюнча Стамбулдагы дүйнөлүк форумда кечээ билдирди. Чудинов сууну топтоо, сактоо жана аны коңшуларга берүүгө каражаттын жетишсиздиги жана суу сактагычтагы техниканын эскиргендиги Фергана өрөөнүнүн жарымын каптап калуу коркунучун жаратып тургандыгын белгиледи. Анын айтымында, суу-энергетикалык көйгөйлөрдү жөнгө салуу үчүн Бишкекте эл аралык суу-энергетикалык академияны ачып, сууну башкарууну илимий негизге салуу зарылдыгы бышып жетилди.(BD)
