5-февралда Кыргызстан борборундагы акча алмашуу жайларында бир АКШ доллары 43-45 сомдон сатылып, 41-42 сомдон алынууда. Евронун курсу да кескин көтөрүлдү.Улуттук банктын билдирүүсүнө караганда, Казакстанда теңгенин курсунун түшүүсү чет өлкөлүк валютага болгон талапты кескин күчөттү Коншу өлкөдөгү кырдаал сомдун курсунун өйдө-ылдый болушуна таасир этти. Улуттук банктын сомду туруктуу кармоого каражаты жетиштүү. Азыркы мезгилде 1 миллиард доллардан ашуун резерви бар жана жакын арада дагы 450 миллион доллар түшүүсү күтүлүүдө. Жума башында Казакстан улуттук валюта теңгесин 25% девальвациялаган эле. (AiT)
